Қазақстан Республикасы ІІМ М.Бөкенбаев атындағы Ақтөбе заң институты

Мемлекет басшысы Н.Ә. Назарбаевтың Қазақстан халқына «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын 1«А» және 1«Б» курс курсанттарына түсіндіру

8.10.2018

2018 жылғы 6 қазанда Қазақстан Республикасы ІІМ М.Бөкенбаев атындағы Ақтөбе заң институты базасында 1«А» және 1«Б» курстарының курсанттарына Қазақстан Республикасының Президенті Н.Назарбаевтың  Қазақстан халқына 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» Жолдауы бойынша бейнеролик көрсетілді және Жолдаудың басты тұстарын түсіндіру шаралары жүзеге асырылды. Аталған іс-шараны ҒЗжРБЖҰ бөлімі, курс буыны және оқу топтарының кураторлары ұйымдастырды.

Басты тұстарын түсіндіру бойынша 1«А» курсының 102 және 103 оқу топтары кураторларының — жалпы құқықтық пәндері кафедрасының оқытушысы полиция лейтенанты Г.А. Байкунакова мен қылмыстық құқық және криминология кафедрасының оқытушысы полиция майоры
Б.А. Накипбеков  курсанттарды аталған Жолдаудың алты басымдығымен таныстырды. Елбасы өз Жолдауында: «Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс. Реформаларды табысты жүзеге асыру үшін қоғамымыздың ортақ мақсатқа жұмылуы аса маңызды», – деп атап өтті.

Сонымен қатар, кураторлар алдағы 2019 жыл — Жастар жылы екендігін ескертті. Кураторлар мен курсанттар Президент Жолдауын  жүзеге асыру аясында біріккен іс-шараларды өткізу жөнінде өз ұсыныстарын айтты.

Жалпы құқықтық пәндер кафедрасының

оқытушысы

полиция лейтенанты

Г.А. Байкунакова

 
02 SAMSUNG CSC SAM_2923 IMG_6280 IMG_7490