26-28 маусым аралығында «Өзгермелі әлем жағдайындағы трансформациялық көшбасшылық» тақырыбындағы семинар-тренинг Қазақстан Республикасы Президентінің жанындағы Мемлекеттік басқару Академиясының Ақтөбе облысы бойынша филиалымен бірлесіп ұйымдастырылған өзара ынтымақтастық туралы қол қойылған меморандум аясында өтті. Семинар барысында аумақтық полиция департаменттері басқармаларының басшылары мен орынбасарлары және Қазақстан Республикасы ІІМ М. Бөкенбаев атындағы Ақтөбе заң институтының басшылық құрамы төрт негізгі білім беру модульдері бойынша оқудан өтті:
– стратегиялық менеджмент және көшбасшылық,
– коммуникациялық менеджмент,
– болашақ құзыреттіліктері;
– болашақ жобалық менеджмент.
Семинардың бірінші күні Қазақстан Республикасы ІІМ М. Бөкенбаев атындағы Ақтөбе заң институтының базасында өтті. Мотивациялық әңгімелесу мен тренинг форматында лекторлар сөз сөйледі:
Ж. С. Құрманова – Қазақстан Республикасы Президентінің жанындағы Мемлекеттік басқару Академиясы Ақтөбе облысы бойынша филиалы кабинетінің меңгерушісі «Өзгермелі әлем контекстіндегі басшы құзыретінің моделі» тақырыбы бойынша.
Р. А. Есберген – Қазақстан Республикасы Президентінің жанындағы Мемлекеттік басқару Академиясы Ақтөбе облысы бойынша филиалының доценті, экономика ғылымдарының кандидаты, «Елдің стратегиялық және бағдарламалық құжаттары: іске асырудың жаңа тәсілдері» тақырыбымен.
Е. К. Балымов – Қазақстан Республикасы ІІМ М. Бөкенбаев атындағы Ақтөбе заң институтының ӘҚ ж ІІО ӘҚ кафедрасының бастығы, полиция майоры «Құқық қорғау органдарының мемлекеттік қызметінде клиенттік бағдарлаудың нәтижесі мен принциптері» тақырыбында.
А. М. Сайтбеков – Қазақстан Республикасы ІІМ М. Бөкенбаев атындағы Ақтөбе заң институтының бастығы, заң ғылымдарының кандидаты, полиция полковнигі, «Құқық қорғау органдарының мемлекеттік қызметтерін жаңғырту» тақырыбы бойынша.
Ж. А. Жукаева – Қазақстан Республикасы ІІМ М. Бөкенбаев атындағы Ақтөбе заң институтының ЖББП кафедрасының аға оқытушысы, полиция майоры «Қоғамдағы әлеуметтік қақтығыстар» тақырыбында.
Келесі екі күн Қазақстан Республикасы Президентінің жанындағы Мемлекеттік басқару Академиясының Ақтөбе облысы бойынша филиалы базасында өтті.:
А.Берлібай – «Әлеуметтік желілердегі ұйымдастыру бренді. Әлеуметтік желілерде сторителлинг» тақырыбында.
К. Т. Қуанжанова – Қазақстан Республикасы Президентінің жанындағы Мемлекеттік басқару Академиясы Ақтөбе облысы бойынша филиалының аға оқытушысы, PhD докторы және А. Ф. Саттарова – Қазақстан Республикасы ІІМ М. Бөкенбаев атындағы Ақтөбе заң институтының ЖББП кафедрасының бастығы, педагогика ғылымдарының қандидаты, полиция полковнигі «Халықтың қанағаттануын қамтамасыз етудегі тиімді коммуникациялардың рөлі» тақырыбы бойынша.
З. У. Имжарова – Қ. Жұбанов атындағы Ақтөбе өңірлік мемлекеттік университетінің Біліктілікті арттыру институты орталығының меңгерушісі, педагогика ғылымдарының кандидаты, «Шешендік өнер: коммуникация психологиясы» тақырыбында.
Тренингтің теориялық қасиеттерін талқылағаннан кейін тыңдаушыларға осы бағыттар бойынша жобаларды әзірлеу тапсырмасы берілді. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша департаменті басшысының орынбасары Рафхат Төлеуғалиұлы Бисенов, Қазақстан Республикасы Президентінің жанындағы Мемлекеттік басқару академиясының директоры Саида Әсетқызы Садуақасова, Ақтөбе облысының ПД кадр саясаты басқармасы бастығының орынбасары, полиция майоры Талант Тілеубекұлы Жұмабек, Қазақстан Республикасы ІІМ М. Бөкенбаев атындағы Ақтөбе заң институты бастығының ғылыми жұмыс жөніндегі орынбасары, полиция полковнигі Ғалия Жанабекқызы Сулейманова жұмысты бағалады. Комиссия мүшелерінің әрқайсысы ұнаған модульдерге қатысты өз пікірлерін айтып, барлық қорғау жобалары бойынша ұсыныстар берді. Ғалия Жанабекқызы өз кезегінде көші-қон полициясы басқармасы бастығының орынбасары, полиция подполковнигі М. Х. Назаровтың жобасының креативтілігін және өзектілігін атап өтіп, институттың «Көші-қон және көші-қон мәселелерінің мемлекеттік-құқықтық негіздері» атты ғылыми-зерттеу жұмыс тобының құрамына шақырды .
Семинар соңында қатысушыларға сертификаттар берілді.
