Қазақстан Республикасының Ішкі істер органдарын жаңғырту жөніндегі 2019 -2021 жылдарға арналған Жол картасын іске асыру аясында, “Криминалистика” пәні бойынша оқу процесінің практикалық – бағдарлануын күшейту мақсатында қылмыстық процесс және криминалистика кафедрасының аға оқытушысы полиция подполковнигі Н. А. Чупринюк және аға оқытушысы полиция майоры С. М. Минайдаров 2019 жылғы 02-04 қазанда Қазақстан Республикасы ІІМ Ақтөбе облысы полиция департаментінің кинологиялық қызмет орталығында арнайы бастапқы оқыту курсының 1-9 взводының тыңдаушылары үшін шығу тәжірибелік сабақтарын өткізді.
Сабақ өткізу барысында аға инспектор кинолог Г. Я. Жусипов тыңдаушыларды кинолог жұмысының ұйымдастырылуымен, патрульдеу кезінде учаскелік инспекторлармен, жедел-тергеу бөлімшелерімен, сараптама мекемелерімен өзара іс-қимыл жасау тәртібімен таныстырды. Одорологиялық сараптама жүргізу тәртібі мен ережелерін, сондай-ақ тұрғын үй-жайларды, сондай-ақ автокөлікті тексеру және тінту жүргізу кезінде есірткі құралдарын анықтау тәртібін көрнекі түрде көрсетті.
Қылмыстық процесс және криминалистика
кафедрасының аға оқытушысы
полиция майоры
С. М. Минайдаров
