2019 жылғы 17 маусымда Қазақстан Республикасы ІІМ М.Бөкенбаев атындағы Ақтөбе заң институтында «BTS Digital» компаниясының білім беру орталығының жетекшісі, «National Geographic Kazakhstan» компаниясының ерікті елшісі, «Google» компаниясының кеңесшісі Саясат Нұрбектің басшылығымен оқыту сапасын және педагогикалық үрдіс бойынша басқарушылық қызметінің сапасын жоғарлату мақсатында семинар-тренинг өткізілді. Саясат аудиторияны шешендік өнерімен баурап қана қоймай, институттың профессорлық-оқытушылық құрамына өзінің «Қиын әлемге арналған білім беру: жаңа технологиялардың білім беру үлгісіне әсері және еңбек нарығы» атты тренингін ұсынды.
Семинар–тренингті аяқтай отырып, Саясат Нұрбек Люси Джо Палладиноның «Максималды концентрациясы», Томас Сэмюэл Куннің «Ғылыми эволюциясының құрылымы» атты кітаптарын және көптеген авторлардың еңбектерін оқуды ұсынды.
Шара соңында институт бастығының орынбасары, полиция полковнигі Г.Ж. Сулейманова және институт бастығы орынбасарының уақытша міндетін атқарушы полиция полковнигі А.М. Хайрулин спикерге уақытын бөліп, пайдалы ақпараттарнмен бөліскені, сонымен қатар, заманауи білімге өзінің қосып жатқан үлесі үшін алғысын білдірді.
Курс бастығының орынбасары
полиция майоры
Р.Ракишев.
