2019 жылдың 20 қарашасында Қазақстан Республикасы Үкіметінің 2018 жылғы 27 желтоқсандағы «Ішкі істер органдарын жаңғырту жөніндегі 2019-2021 жылдарға арналған жол картасын бекіту туралы» № 897 Қаулысына сәйкес, Қазақстан Республикасы ІІМ М.Бөкенбаев атындағы Ақтөбе заң институты мен Ақтөбе қаласы М.Дулатов атындағы №63 жалпы білім беретін орта мектеп-лицейі арасында өзара қарым-қатынас орнату жөніндегі ынтымақтастық туралы меморандумға қол қойылды. Аталған мектептің 5-сынып оқушыларынан 25 оқушы «Жас сақшы» полиция кадет сыныбына қабылданып, ант қабылдау рәсімі өткізілді. Жобаның басты міндеті — өскелең ұрпақты отансүйгіштікке тәрбиелеу, заңдылықты сақтауға баулу, болашақ мамандық таңдауда көмек көрсету болып табылады.
Салтанатты шара кадеттердің концерттік бағдарламасымен жалғасып, «Курсанттың 1 күні» видеоролигі көрсетілді.
Шара соңында шақырылған қонақтар естелік фотоға түсті.
ТЖБ инспекторы
М.Тасбулатова
