Ардагерлер кеңесі

Қазақстан Республикасы ІІМ М.Бөкенбаев атындағы Ақтөбе заң институтының Ардагерлер кеңесінің жұмысын ұйымдастыру

Қазақстан Республикасы ІІМ №44 «Қазақстан Республикасы Ішкі істер министрлігінің полиция құрылымдарының Ережесін бекіту туралы» бұйрығына сәйкес, 2014 жылғы 28 қаңтардан бастап Ардагерлер кеңесі өз жұмысын жүргізуде.    

ІІО ардагері, отставкадағы милиция полковнигі Айдосов Мұрат Көпжасарұлы Қазақстан Республикасы ІІМ М.Бөкенбаев атындағы Ақтөбе заң институтының Ардагерлер кеңесінің төрағасы, аттестациялық комиссияның және Тәлімгерлер кеңесінің мүшесі. 

Институт қабырғасында өткізілетін іс-шараларға, атап айтсақ, курсанттардың ант қабылдау рәсіміне, ашық есік күндеріне, жас офицерлерді шығарып салу рәсіміне және мемлекеттік мерекелерді тойлауға Ардагерлер белсене қатысады. 

Ардагерлер кеңесімен тығыз байланыс жасау, зейнеткер-ардагерлерді және олардың отбасын қолдау, жас қызметкерлер мен курсанттарды патриоттық тұрғыда тәрбиелеу мақсатында келесідей жұмыстар жасалуда:

1. институттың жалпы жиналысында Ардагерлер кеңесінің төрағасы мен оның орынбасары тағайындалынады;
2. жыл сайын Ардагерлер кеңесінің жоспары құрылады;
3. оқу орнында өткізілетін іс-шараларға Ардагерлер кеңесінің мүшелері белсене қатысады;
4. әлеуметтік-тұрмыстық мәселелерді шешу үшін көмек көрсетіледі, ардагерлердің мұқтаждықтарына мейірім танытылады;
5. Ардагерлер кеңесінің мүшелері жас қызметкерлерге біліктілігін арттыруға көмек көрсетеді (тәлімгер ретінде), ауыспалы құраммен кездесулер жүргізіледі (дәрістер, әңгімелесулер), кәсіптік бағдар беру жұмыстары және т.б. жұмыстар ұйымдастырылады.

Қазақстан Республикасы ІІМ 2015 жылғы 02 қазандағы №806 бұйрығына сәйкес, институтта Ардагерлер кеңесімен жас қызметкерлердің бейімделуі мен ІІО қызметкерлерінен тәлімгер тағайындауға байланысты белсенді жұмыс жүргізіледі. Жас қызметкерлерге тәжірибелік қызметкерлермен, ІІО ардагерлерімен кездесулер ұйымдастырылады.

ТЖБ инспекторы

полиция аға лейтенанты Д.М.Саркулов