Қазақстан Республикасы ІІМ М.Бөкенбаев атындағы Ақтөбе заң институты

Игі іс

7.05.2019

2019 жылы 7 мамырда Отан қорғаушылар күні аясында, 9 мамыр — Жеңіс күні қарсаңында Қазақстан Республикасы ІІМ М. Бөкенбаев атындағы Ақтөбе заң институтының курсанттық ғылыми қоғамының мүшелері “150 қайырымды іс” акциясын жалғастыра отырып, ҒЗжРБЖҰ бөлімінің бастығы полиция подполковнигі Айсұлу Қайрлақызы Кәрімбаеваның басшылығымен зейнеткер Утарова Алтынгүлге шаруашылық бойынша көмек көрсетіп, тазалық жұмыстарын жүргізді, бау-бақша учаскесін қазып, ауласын одан әрі көркейтуге жәрдем берді.

Біз аға ұрпақтың алдында өлшеусіз қарыздармыз, бірақ олардың өмірін жылу мен жарыққа толтырып, жақсы күндерді көптеп сыйлауға мүмкіндігіміз бар. Кәрілік келген шақта адамды басына түскен қиындықтарымен, өз мәселелерімен оңаша қалдырмау, оларға нақты көмек көрсете білу, мейірімді сөзбен қолдау көрсету өте маңызды. Кейде тіпті қариялармен шүйіркелесіп,  олардың әңгімелерін тыңдай білудің өзі оларды қуанышқа бөлеп, ғажайыптар жасай алады. Бұл — өмір заңы, қоғамның тұрақтылық факторларының бірі — ұрпақтар сабақтастығы. Жас адамдар мен қарт адамдар арасында сыйластық пен өзара көмек орнамаса, өмірдің мәні болмайды.

Қазақ халқында: «Құтты қонақ келсе, қой егіз табады», – деген нақыл бар. Бұл сөз қонақ  келген кезде, түскен отбасында бір жақсылық, қуаныш болса айтылады.Біздің ізгі ісіміз де қуанышты оқиғамен аяқталды — Алтынгүл апаның сиыры бұзаулады.

ҒЗжРБЖҰБ бастығы

полиция подполковнигі

А. Қ. Кәрімбаева

 
05 01 DSC_0032 5 CCTX1048