Қазақстан Республикасы ІІМ М.Бөкенбаев атындағы Ақтөбе заң институты

Құрылымдық бөліністер

Жоспарлау, үйлестіру және бақылау бөлімшесі

2016 жылдың маусым айында құрылды. Аталған бөлімшенің негізгі міндеттері: институт жұмысын перспективалық және ағымдағы  жоспарлау, алқалық жұмыстарды (жедел, ақпараттық мәжілістерді өткізу), ақпараттық-аналитикалық жұмыстарды ұйымдастыру, институт жоспарларының, алқа шешімдерінің, ІІО-ның, институт басшылығының бұйрықтары мен нұсқауларының  орындалуын бақылау, қызметтік іссапарларды, сонымен қатар институтта жұмылдыру және азаматтық қорғаныс жұмыстарын ұйымдастыру.

Оқытудың инновациялық технологиялары және техникалық құрылғылары бөлімі

Оқытудың инновациялық технологиялары және техникалық құрылғылары бөлімі институттың құрылымдық бөліністері қызметінің техникалық және телекоммуникациялық сүймелдеу жұмыстарын ұйымдастыру және үйлестіру, олардың ақпараттық қауіпсіздігін қамтамасыз ету, оқытудың техникалық құралдарын оқу үрдісіне енгізумен айналысу, оқу үрдісінде техникалық құралдарды қолдануды үйрену бойынша кафедра жұмыстарына бақылау жасау, байланыстыру және бағыт беру, оқытушыларға оқытудың техникалық құралдарын пайдалану мен қолданылуы жөнінде көмек көрсету мақсатында құрылған.

Әкімшілік құқық және ІІО-ның әкімшілік қызметі кафедрасы

Әкімшілік құқық және ІІО-ның әкімшілік қызметі оқу орнының жетекші кафедрасы болып табылады.
Кафедра жұмысы оқу үрдісі мен мамандарды дайындау мазмұны есепке алынып жасалынған институттың оқу жоспарларына, кестелеріне сәйкес жыл сайынғы жоспарлар негізінде жүзеге асырылады. Профессорлық-оқытушылар құрамының барлық қызметі оқу үрдісін жандандыруға және кафедраның оқу-әдістемелік базасын нығайтуға бағытталған.
Кафедрада оқылатын барлық пәндерді қамтамасыз ету мақсатында барлық профессорлық-оқытушылар құрамы оқу, оқу-әдістемелік және оқу-тәжірибелік құралдар дайындады. Кафедраның ғылыми үйірмесі шеңберінде дөңгелек үстелдер, семинар-тренингтер, ғылыми-тәжірибелік конференциялар өткізіледі.
Оқу үрдісінің тәжірибелік бағыттылығын қамтамасыз ету, кәсіби тәжірибелік шеберлігі мен дағдыларын қалыптастыру және жетілдіру, білім алушыларды ұйымдастырушылық қызметке тарту, таңдаған мамандығына деген қызығушылығын арттыру мақсатында оқу үрдісіне құқық қорғау органдарының қызметкерлерін тартады.
Сонымен қатар, Ақтөбе облысы ІІД-мен тығыз байланыс жасау нәтижесінде, тыңдаушылардың теориялық білімін тәжірибемен тығыз байланысты шыңдау мақсатында, Ақтөбе облыстық ІІД-нің Ақтөбе қалалық ІІБ Елек полиция бөліміне қарасты полиция учаскесінде Ақтөбе облысы ІІД-нің филиалы ашылды.

Жедел-іздестіру қызметі кафедрасы

Кафедраның қалыптасуының және қайта құрудың барлық кезеңдеріндегі  басты міндеті жедел-іздестіру қызметін жүзеге асыру үшін жоғары білікті мамандар дайындау болып табылады.
Кафедра қызметкерлері институтта өткізілетін барлық іс-шараларға, оның ішінде республикалық және халықаралық конференцияларға, дөңгелек үстелдерге, семинарларға белсене араласады. Кафедрада институт курсанттары мен тыңдаушыларынан құралған «Начинающий оперативник» ғылыми үйірмесі жұмыс жасайды.
Қазіргі таңда кафедра қызметкерлері ғылыми-зерттеу және тәжірибелік-конструкторлық жұмыстар шеңберінде терроризммен және діни экстремизммен күрес бойынша, сонымен қатар нашақорлыққа қарсы күрес туралы ғылыми мақалалар және оқу құралдарын уақытында дайындап, жарыққа шығаруда.

Қылмыстық процесс және криминалистика кафедрасы

Кафедра өзінің қалыптасуы мен дамуы кезеңдерінде Қазақстан Республикасының қылмыстық іс жүргізу құқығы, криминалистика, сот медицинасы және сот психиатриясы негіздері, сот сараптамасы, алғашқы медициналық көмек көрсету негіздері, ақпараттық қауіпсіздік негіздері секілді оқу пәндерін және «Оқиға болған жерде табылған іздермен жұмыс» арнайы курсын оқытуды жүзеге асырды және жүзеге асыруда.
Кафедраның басты міндеті белсенді өмір ұстанымындағы, терең теориялық және тәжірибелік білімге, шеберлікке ие мамандарды дайындауға бағытталған оқу, ғылыми-зерттеу және әдістемелік жұмыстарды жоғары деңгейде ұйымдастыру және жүзеге асыру болып табылады. Кафедра оқытушылары интерактивтік нысандар мен оқыту әдістерін кеңінен қолданады. Институт құрылғаннан бері кафедра қолданысындағы криминалистік полигон жағдайларындағы тәжірибелік сабақтарда іскерлік ойындарды қолданады.
Сонымен қатар барлық сабақтарды жүргізу кезінде оқытудың техникалық құралдары қолданылады, оқу үрдісіне бірқатар бақылау және бақылап-оқытудың компьютерлік бағдарламалары жасалынып, енгізілді. Кафедраның материалдық-техникалық базасын екі оқу-әдістемелік кабинеті мен жедел-криминалистік полигон құрайды. 45 шаршы метрден аса аумақ оқу жұмыс орындарымен тәжірибелік дағдыны қалыптастыру үшін және мейлінше тәжірибеге жақын болу үшін жасақталған.
Кафедра оқытушылары оқу-әдістемелік және ғылыми-зерттеу жұмыстарына көп көңіл бөледі. Олардың тікелей қатысуымен криминалистика, қылмыстық іс жүргізу құқығы бойынша оқу үрдісінде кеңінен қолданылатын оқу-әдістемелік құралдар мен практикумдар дайындалып, жарыққа шығарылуда.

Қылмыстық құқық және криминология кафедрасы

Кафедраның басты міндеті  қылмыстық-құқықтық пәндер — Қазақстан Республикасының қылмыстық құқығы, Қазақстан Республикасының қылмыстық-атқару құқығы, криминология бойынша оқу, ғылыми-зерттеу және әдістемелік жұмыстарын жоғары деңгейде ұйымдастырып, жүзеге асыру болып табылады.
Кафедрада оқытылатын пәндер курсанттардың қылмыстық құқық бұзушылықтармен күрес бойынша білімдерін, шеберліктерін және дағдыларын құруды қалыптастырады. Оқыту үрдісінде курсанттарды адамның және азаматтардың құқығы мен бостандығының қорғалуына жауапты болашақ  ішкі істер органдарының қызметкері ретінде  тәрбиелеуді жүзеге асырылады.
Кафедра оқытушылары күндізгі оқу факультетінде, сонымен қатар  кәсіби және қосымша білім факультетінде, біліктілігін арттыру курстарында сабақ жүргізеді.

Жалпы құқықтық пәндер кафедрасы

2016 жылы ұйымдастырушылық-штаттық өзгерістерге байланысты екі кафедра біріктіріліп, нәтижесінде жалпы құқықтық пәндер кафедрасы құрылды.
Кафедраның профессорлық-оқытушылар құрамы күндізгі, кәсіби және қосымша білім факультеттерінде келесі пәндер бойынша сабақтар өткізеді: мемлекет және құқық теориясы, Қазақстан Республикасының конституциялық құқығы, Қазақстан Республикасының мемлекет және құқық тарихы, Қазақстан Республикасының құқық қорғау органдары, Қазақстан Республикасының азаматтық құқығы, Қазақстан Республикасының азаматтық іс жүргізу құқығы, ІІО қызметіндегі қызметтік-еңбек қарым-қатынасы, адам құқығы.
Кафедра оқытушылары мемлекеттік және орыс тілдерінде оқу құралдарын дайындап, шығарды.
Ғылыми-зерттеу жұмысы мамандар дайындығының сапасын жетілдіру, оқытушылық құрамның біліктілігін арттыру, ғылымның, оқу үрдісінің және тәжірибенің өзара тығыз әрекеттестігін қамтамасыз ету мақсатында жүзеге асырылады.
Осындай мақсатта кафедраның профессорлық-оқытушылар құрамы «Зиян келтіру салдарынан туындайтын азаматтық-құқықтық жауапкершіліктің кейбір аспектілері» және «Оқу үрдісін жетілдірудің әдістері мен педагогикалық тәсілдері» тақырыптары бойынша ғылыми зерттеулер өткізуде және олардың қорытындысы тәжірибеге және оқу үрдісіне енгізіледі.
Сонымен бірге, Қазақстан Республикасының өзге жоғары оқу орындарының ұқсас кафедраларымен қарым-қатынастарын кеңейту және нығайту, сонымен қатар курсанттарды ғылыми-зерттеу қызметіне баулу бойынша жұмыстар үнемі жүргізіледі.

Жалпы білім беру пәндері кафедрасы

2016 жылы мамыр айында ұйымдастырылған-штаттық өзгерістер үрдісінде «Басқару және психология» және «Тілдер дайындығы» кафедраларының базасында жалпы білім беру кафедрасы құрылды.
Кафедрада оқу-тәрбие және ғылыми-зерттеу қызметі жүзеге асырылады. Кафедраның тұрақты құрамы қызметтің әрбір бағыты бойынша шығармашылықпен, бастамашылдықпен еңбек етеді. Қызметкерлер курсанттармен және тыңдаушылармен жұмыс жасауда сенімділік қарым-қатынас орнатуға, психологиялық білімдерін жетілдіруге, өмірдің түрлі салаларында кездесетін күрделі психологиялық мәселелерді шешу бойынша тәжірибелік кеңестер беруге тырысады.
Кафедра оқытушылары азаматтардың құқықтық мәдениетінің деңгейін көтеру бойынша жұмыстарды белсенділікпен орындайды. Атап айтқанда, «мүлдем төзбеушілік» қағидасын ендіруге бағытталған шаралар шеңберінде  Ақтөбе қаласының әкімшілік учаскелерінің тұрғындарымен кездесуге қатысады, Ақтөбе қаласының және Ақтөбе облысының білім беру мекемелері оқытушыларының, оқушылардың және олардың ата-аналарының құқықтық сауаттылығын арттыру бойынша дәрістер оқылып, сұхбаттасулар өткізіледі, жасөспірімдердің девианттық және авиталдық мінез-құлқының алдын алу бойынша іс-шаралар ұйымдастырылады.
Кафедраның профессорлық-оқытушылар құрамы оқу-әдістемелік, оқу-тәжірибелік құралдар, тест жинақтарын дайындады. Дөңгелек үстелдер, семинар-тренингтер, ғылыми-тәжірибелік жұмыстар жүйелі түрде ұйымдастырылады.
Кафедрада курсанттар мен тыңдаушылардың  екі ғылыми үйірмесі жұмыс жасайды.
 «Инсайт» ғылыми үйірмесінің басты міндеті — ішкі істер органдарының тәжірибелік бөлімшелері болашақ қызметкерлерінің  кәсіби қызметтік парызын орындауда  жауапкершілігі мен адамгершілігі мол маман ретінде лайықты  кәсіби қалыптасуы үшін, заңгерлік және педагогикалық білімдерін арттыру, дүниетанымын кеңейту, танымдық қабілеттерін дамыту, арнайы шеберліктері мен дағдыларын жетілдіру. Үйірме отырыстарында  өткізілетін психологиялық тренингтер курсанттар мен тыңдаушылардың өзіндік танымы мен өзіндік ойын, оқу ұжымының топтасуын, сезім жауапкершілігін, жолдастықты, бірін-бірі қолдауды  қалыптастырады.
«Полиглот» ғылыми үйірмесінде курсанттар мен тыңдаушылар өз білімдерін мемлекеттік, орыс және ағылшын тілдерінде тереңдете алады, сонымен қатар Қазақстанның және дүние жүзі  халықтарының мәдениетімен, әдет-ғұрыптарымен танысады. Ғылыми үйірме отырысы шығармашылық негізде өтеді, үйірме мүшелері сұхбаттасып, пікірлерін бөліседі, өлең айтып, би билейді, бейнекөріністер мен өзге де сәйкесінше материалдарды қарастырады.
Жалпы білім беру пәндері кафедрасы алға қойылған оқу-тәрбиелік мәселелерді орындай отырып, Қазақстан Республикасы ІІМ М.Бөкенбаев атындағы Ақтөбе заң институтының қалыптасуы мен дамуына мүмкіндігінше үлес қосып келеді.

Әскери және дене шынықтыру даярлығы кафедрасы

Әскери және дене шынықтыру даярлығы кафедрасының құрылуы мен дамуына жеңіл атлетика бойынша спорт шеберлігіне үміткер полиция полковнигі Зәуреш Таңжарбайқызы Истляуп, Қазақстан Республикасының еңбек сіңірген қайраткері, Қазақстан Республикасының еңбек сіңірген бапкері, бокстан спорт шебері полиция полковнигі Мұхит Тойлыбайұлы Дәуленбаев, полиция полковнигі Серік Жоламанұлы Жиеналин, еркін күрестен спорт шеберлігіне үміткер полиция майоры Мирлан Сейлханұлы Балдаиров ерекше үлестерін қосты. Сонымен қатар кафедраға полиция полковниктері Ж.Ш. Мамбетжанов, И.Н. Есентюк, В.Е. Хорохорин, полиция майоры Д.Ш. Үсенов, А.С. Түлкібаев, Т.Ж. Елемесов көп еңбек сіңірді.
Олар болашақ спортшылар мен тәжірибелі педагогтарды қалыптастыруда жас қызметкерлердің патриоттық тәрбиесіне мән бере отырып, самбо күресі, қоян-қолтық күрес, атыс секілді спорттың қолданбалы түрлері бойынша  секция жұмыстарын табысты жүргізуде.
Олардың шеберліктерінің арқасында курсанттардың әскери дайындық бойынша үздік көрсеткіштері біздің оқу орнының мақтанышы болды, бұл қала күніне арналған, Ант қабылдау, жас офицерлерді шығару іс-шараларында анық көрініс берді.
Кафедрада пәндер бойынша келесі сабақтар жүргізіледі: атыс дайындығы, тактикалық дайындық, автомобиль дайындығы, әскери типография, ӘҚ және Қазақстан Республикасы ІІО-ның Жарғылары, саптық дайындық, қоян-қолтық күрес, күрес тәсілдері, дене шынықтыру даярлығы, гимнастика, жеңіл атлетика.
Оқытушылар өздерінің кәсіби деңгейі мен педагогикалық шеберлігін арттыру бойынша үнемі жұмыстанады. Ай сайын тұрақты және ауыспалы құраммен атыс дайындығы өткізіледі.
Кaфедра оқытушыларының тәжірибелік бағыттылығын арттыру мақсатында оқу үрдісіне тәжірибелік жұмысшылар тартылады.
Жыл сайын кафедраданың ұйымдастырумен ҰОС ардагерлерінің ардагерлерімен және интернационал жауынгерлермен, «Боевое братство» Ақтөбе облысының қоры директорының орынбасары басқаратын ізденіс экспедициясының қатысушыларымен, ізденіс отрядының комиссары Г.А. Галеевпен кездесу өткізіледі.
«Мерген» секциясы шеңберінде атыс қаруының тактикалық-техникалық мәліметтері мен өзіндік қасиеттері, оларды қолдану қауіпсіздігі тереңдетіліп оқытылады. Секцияның тақырыптық жоспарына сәйкес атыс дайындығы  бойынша оқу-жаттығу атыстары өткізіледі.
Курсанттар мен тыңдаушыларға дене шынықтыру даярлығының мәдениеті бойынша самбодан және пауэрлифтингтен спорт шебері сабақ берсе, спорттың қызметтік-қолданбалы түрлері бойынша Қазақстан Республикасының спорт шеберлігіне үміткер оқытушылар оқу-жаттығу сабақтарын шеберлікпен жүргізе біледі.
Институттың спорттық командалары «Динамо» облыстық кеңесімен ұйымдастырылатын спартакиадаларға, Қазақстан Республикасы ІІМ-нің қызметтік-қолданбалы түрлері бойынша жыл бойынғы спартакиадаларға қатысып, бірінші жүлделі орындарға ие болуда және спорт шеберлігіне, халықаралық кластағы спорт шеберлігіне үміткерлердің 1-разрядтық көрсеткіштерін орындайды.
Кафедра оқытушылары институтта өткізілетін көпшілік спорт ойынының, шаңғы жарысының, Президенттік көпсайыстардың өткізілуіне, сонымен қатар «Президент күніне», «Наурыз мейрамына», «Жеңіс күніне», «Казақстан полициясының күніне», «Білім күніне» байланысты  барлық іс-шараларды ұйымдастыруға жауапты.

Кезекші бөлім

КЕЗЕКШІ БӨЛІМ өзінің күнделікті қызметінде түрлі бағыттардағы қызметті – тәуліктік кезекшілік тұлғалар үшін бақылауды, ішкі тәртіп пен өткізу тәртібін, қарамағындағы күштерді, құралдарды жедел басқаруды жүзеге асыратын  оқу орнының маңызды бөлінісі болып табылады.

Қаржылық қамтамасыз ету тобы

Қаржылық қамтамасыз ету тобы -республикалық бюджеттен бөлінген қаржыны мақсатқа сай қолдану үшін бақылауды жүзеге асыратын оқу орнының маңызды құрылымдық бөліністерінің бірі. Қаржылық қамтамасыз тобының ұжымы нақты, сауатты және тұтас бір механизм ретінде ұйымшылдықпен жұмыс жасап, қызметкерлердің еңбекақысын, тыңдаушылар мен курсанттардың шәкіртақыларын  уақытымен төлеуді реттейді.

Талдық қамтамасыз ету бөлімі

ТЫЛДЫҚ ҚАМТАМАСЫЗ ЕТУ БӨЛІМІ мемлекеттік сатып алу тобынан, азық-түлікпен қамтамасыз ету тобынан және коммуналдық-эксплуатациялық топтан және гаражы бар техникалық бөлімінен тұрады.

Мемлекеттік сатып алу тобы Қазақстан Республикасының «Мемлекеттік сатып алу туралы» Заңына сәйкес тауарлар мен қызметтерді алу бойынша келісімшарттар жасайды.

Азық-түлікпен қамтамасыз ету тобы (асхана) курсанттарды үш мезгіл тамақтандыруды қамтамасыз мақсытында, азық-түлікті уақытында алуды және дайындауды жүзеге асырады. Асхана 420 орындық тамақтану орнына есептелген. Асхана жанында курсанттарды жаңа піскен өнімдермен қамтамасыз ететін наубайхана жұмыс жасайды.

Коммуналдық-эксплуатациялық топ кез келген мекеме үшін өмірлік маңызы бар қызметтерді бір қарағанда елеусіз ғана атқарады. Олардың шебер ұйымдастыруымен мекеменің техникалық жағдайының дайындығы қамтамасыз етіледі, жылудың, электроэнергияның дұрыс және үнемді жұмсалуына бақылау жасалады және электр құрылғыларының, кабельдік жүйелердің, су құбырларының және кәріз жүйесінің техникалық жағдайы мен дайындығы жүзеге асырылады.

Гаражы бар техникалық бөлімге қызметтік автокөліктерімен автопарк кіреді. Оқу орнының қарамағында жеңіл және жүк машиналары, сонымен қатар оқу орындарынан тыс өткізілетін іс-шараларға курсанттар мен қызметкерлердің қатысуын қамтамасыз етуде қолданылатын автобустар бар.

Мемлекеттік тіл және ақпарат бөлімшесі

 Қазақстан Республикасы ІІМ Ақтөбе заң колледжінде 2000 жылғы
29 қыркүйекте мемлекеттік тілді дамыту тобы құрылып, 2010 жылғы
5 шілдеде Қазақстан Республикасы ІІМ Ақтөбе заң институтының мемлекеттік тіл және ақпарат бөлімшесі болып қайта құрылды.Мемлекеттік тіл және ақпарат бөлімшесі өзінің күнделікті қызметінде Қазақстан Республикасының Конституциясын, «Қазақстан Республикасының Тіл туралы заңын», Қазақстан Республикасының ІІМ министрі орынбасарының «Ішкі істер органдарының мемлекеттік тіл және ақпарат бөлімшесі қызметкерлерінің типтік лауазымдық нұсқаулығын бекіту туралы» бұйрығын, тіл саясатын реттейтін нормативтік-құқықтық актілерді басшылыққа алады, сонымен қатар заңдылықтарды, жемқорлыққа қарсы күрес заңнамаларын, «Қазақстан Республикасы мемлекеттік қызметшілерінің әдеп кодексін» (мемлекеттік қызметшілердің әдеп қағидалары), ішкі тәртіпті, еңбек режимін сақтайды және өзгелерден талап етеді.

Бөлімше қызметкерлері ІІО үшін заңнамамен бекітілген құзыреттілігі шегінде мемлекеттік тілді дамыту және БАҚ жұмысымен өзара әрекеттерін жетілдіру сұрақтарын қадағалап, талқыға салып отырады. Институт қызметі туралы ақпаратты БАҚ редакцияларына ұсыну және жұртшылықты ақпараттандыру арқылы институттың тұрақты оң имиджін қалыптастыру жұмыстарын ұйымдастырады.

Бөлімше тоқсан бойынша атқарылған жұмыстарды саралап, жоспарланған іс-шаралардың орындалуы туралы анықтамалар жасайды, іс-шараларды құрастырып, оны институттың жұмыс жоспарына енгізу туралы ұсыныс жасайды, сонымен қатар іс жүргізуде мемлекеттік тілді дамыту жөніндегі шараларды дайындайды, институт бойынша іс жүргізу қызметінің мемлекеттік тілде жүргізілу үрдісін қадағалайды, институт бөлімшелеріне  тәжірибелік және әдістемелік көмек көрсете отырып, «Қазақстан Республикасының Тіл туралы Заңының», Қазақстан Республикасы Президентінің 2011 жылғы 29 маусымдағы №110 Жарлығының орындалуын бақылайды, сонымен қатар институт қызметкерлеріне мемлекеттік тілді оқып-үйрету үрдісін ұйымдастырады және сараптама жасайды.

Хатшылық

ХАТШЫЛЫҚ – оқу орнының жетекші құрылымдық бөліністерінің бірі, ол барлық бөлініс қызметтерін ақпараттық-құжаттамалық қамтамасыз етуді ұйымдастыруда басты рөлді атқарады.

Хатшылық жұмысшылары оқу орнының негізгі ақпараттық тұлғаларының бірі болып табылады. Олар өз қызметтерінің құзыреттілігі шегінде түскен ақпараттардың дереккөздерін белгілейді және оның жаңашылдығын, растығын, толықтығын анықтап, нәтижесі бойынша институт басшылығының қарауына ұсынылатын ақпараттың қорытынды нұсқасын дайындайды.

Хатшылықтың әрбір қызметкері қызмет атқаруда өз бағыты бойынша белгіленген салалардың бірінде тапсырмаларды орындайды, мысалы: ішкі және сыртқы дереккөздерден түскен құжаттарды алу, өңдеу және тіркеу; бөліністерге құжаттарды беру (тарату) және сыртқы орталарға жолдау; құжаттарды жинақтау,  белгілеу және ведомстволық мұрағатта сақтау.

Медициналық бөлім

МЕДИЦИНАЛЫҚ БӨЛІМ институттың ауыспалы құрамының денсаулығына жауап береді. Оқу орнының курсанттары мен тыңдаушыларының көңіл-күйінің жоғары болуы оларға тікелей байланысты.

Медициналық бөлімнің қызметі науқастарды жалпы диспансеризациядан өткізуге, тыңдаушылар мен курсанттарға алғашқы медициналық жәрдем беруге, аурудың алдын алуға, дұрыс тамақтануға, барлық ғимараттардың санитарлық-гигиеналық жағдайына жауап беруге, салауатты өмір салтын сақтауға арналған түрлі тақырыптарға дәрістер оқуға негізделген.

Соңғы жылдары институттың материалдық базасы айтарлықтай жақсарды, күрделі жөндеу жұмыстары жүргізіліп, жаңа медециналық құрылғылар алынды және  10 керуеттік-орындық күндізгі стационар ашылды.

Жалпы кітапхана

Институт кітапханасы абонементтік, оқу залдарынан, газет, журналдарға арналған бөлмеден тұрады. Оқу залы  48 орындық, болашақта қосымша жүз орындыққа дейін қосуға мүмкіндік бар, интернет жүйесіне қосылған 3 компьютер бар. Жалпы кітапхананың штат саны  3 қызметкерді құрайды.

Кітапхананың қызметі институт Жарғысына, кітапхана ережесі мен жоспарына және басқа да институт қызметін реттейтін нормативтік актілерге сай ұйымдастырылған.

Кітапхана жұмысын ұйымдастыру  оқу үрдісінің толық және жылдам қамтамасыз етілуі, кітап қорының жинақталуы мен сақталуы бойынша оңтайлы жолға қойылған. Кітапхана қоры жыл сайын жаңартылып, толықтырылып отырады. Кітапхана қорындағы оқу, оқу-әдістемелік және ғылыми әдебиеттер, нормативтік құжаттар, институт бағдарламасына сай құрастырылады. Кітаптарды жинақтау арнайы жіберілетін прайс – парақ негізінде  «Корпорация «Қазақ кітап», «Книжный центр Эрудит» ЖШС, «Экономика» ЖШС , «Юридическая литература» т.б. баспаларына тапсырыс беру арқылы жүргізіледі.

Институт жыл сайын кітапхананы заманауи оқу әдебиеттерімен мен аралық басылымдармен қамтамасыз ету көлемін арттыру мақсатында айтарлықтай қаржы бөледі. Әдебиеттерді сатып алуға және шығаруға орта есеппен бір жылда 3-4 миллион теңге игеріледі.    

Институт кітапханасының кітап қоры бүгінгі таңда — 51085    дана  құрайды,  оның  ішінде 12394 данасы мемлекеттік тілде.

Электрондық тасымалдағыштағы оқу, оқу-әдістемелік, ғылыми әдебиеттер — 1388 дана, оның 709 данасы мемлекеттік тілде.

 Кітапхана пайдаланушыларының ай сайын мемлекеттік және орыс тілдерінде жаңартылып тұратын Қазақстан Республикасының нормативтік-құқықтық актілерінің толық спектрлі «Заң» база дерегін, «WI-FI» электронды жүйесін  пайдалануға мүмкіндіктері мол, сонымен қатар 2016 жылы  «КАБИС» бағдарламасы кітапханаға  енгізілді. Бұл бағдарлама кітапхананың кітап қорын толықтыру,  өңдеу, автоматтандыру және жүйелеу үрдісін арттырады.

Абонемент бөлімі  жыл бойы 795 оқырманға —  курсанттарға, тыңдаушыларға, профессорлық-оқытушылар құрамына, институт    қызметкерлеріне қызмет көрсетеді.

Абономентте әдебиеттер данасына қарай  бір аптаға, бір айға, бір семестрге беріледі. Ақпараттық-библиографиялық аппаратты жүргізу  және ұйымдастыру жұмыстары үнемі жүргізіліп, мерзімдік басылымдар өңделеді.

Жаңадан келген оқырмандардың кітапханалық-библиографиялық сауаттылықтарын арттыру үшін әдебиеттерді, кітапхананы пайдалану мүмкіндіктері таныстырылып, оқу дағдыларын қалыптастыру жолдары түсіндіріледі.

 
13 05 05 04 04